30 чэрвеня, пакуль у менскім Палацы Спорту надзвычай
запаздала куралесіў кароль шок-рока 70-х Alice Cooper, дольная заля сталічнага
Чырвонага касьцёлу бітком набілася прыхільнікамі таленту іншай амэрыканскай
гадаванкі – на ўсе часы выдатнай беларускай паэткі Натальлі Арсеньневай, да 105-годзьдзя
якой лэйбл «БМАgroup» выдаў у сэрыі «Беларускі музычны
архіў» паўнафарматны альбом новых песень на ейныя вершы «З крывіцкай сям’і» (CD BMA 112). Дый што дзівіцца, калі ў афішы гэтай
прэзэнтацыі былі пазначаны такія знакамітыя імёны, як Алеся Ўнукоўская, Ян
Жанчак, гурты «P.L.A.N.», «zIGZAG»
ды іншыя, а ў праґраме кружэлкі прываблівалі й яшчэ больш значныя куміры публікі – Данчык, «Сузор’е», «Kriwi».
Чытаць далей…
З новых кружэлак CD-сэрыі «Беларускі музычны архіў», якая налічвае ўжо добры дзесятак выданьняў,
першым выпала прэзэнтаваць свой рэліз Алесю Камоцкаму, пачынальніку адраджэньня
нацыянальнай плыні бардаўскай песьні ў Беларусі, аўтару першых беларускіх
караоке-праектаў, а, як высьветлілася з новай кружэлкі «Песьня як жыцьцё» (CD BMA 113), яшчэ й аўтару тэкстаў для многіх сучасных
зорак эстрады (Зьміцер Вайцюшкевіч, Ларыса Грыбалёва, Стэфан, ансамбль «Неруш»).
Дык вось 29 чэрвеня выдавец і арґанізатар канцэрту – лэйбл «БМАgroup» – вырашыў ня проста
ўшанаваць знакамітую зорку бардаўскай песьні да юбілею (а Камоцкаму ж нядаўна
споўнілася 50 гадоў), але й адкрыць
новае імя.
Чытаць далей…
Для Зьмітра
Сасноўскага, якога ўсе ведаюць па працы ў гурце сярэднявечнай музыкi
"Стары Ольса", гэтая фраза гучыць без пытальнiка. Акрамя таго, што ён
сам грае музыку, дык яшчэ даследуе яе. І падчас вывучэння выявiў цiкавыя факты:
у той самай знакамiтай сiмфонii, якую Людвiг ван Бетховен пiсаў ужо глухiм,
адчуваецца ўплыў беларускай музыкi! Не проста адчуваецца — нямецкi кампазiтар
выкарыстаў у ёй пяць беларускiх народных песень. Чаму i як гэта магло здарыцца?
Пра гэта гаворыцца ў кнiзе Зьмітра Сасноўскага "Гiсторыя беларускiх
музычных уплываў".
Чытаць далей…
Як бы іранічна ні ставіўся я да пэўных зборных
канцэртаў, якія пампезна клічуць фэстывалямі, але ініцыятыва лэйбла «БМАgroup»
пад назвай «Купальскае
кола», відаць, ніяк не правакуе тую самую іронію. Па-першае, гэтай традыцыі ўжо
тры гады, дый праводзіцца яна з зайздроснай рэґулярнасьцю акурат у патрэбны час
– на старажытныя купальскія сьвяты. А сьвята – гэта ж і ёсць фэст у іх там, за
бугром. І вось 26 чэрвеня ў менскім клюбе «Рэактар» прайшоў чарговы фэст «Купальскае
кола», які сабраў аж надта разнастайную публіку з Наваполацку і Менску,
Магілёва і Гомеля.
Чытаць далей…
Адчуваю, што
ў адказ тут жа запярэчыць хор галасоў: як гэта не спяваюць, вы, шаноўны аўтар,
мабыць, проста не ў тэме! Але сутнасць у тым, што я каторы год знаходжуся
менавiта ў гэтай тэме, таму задам завочна яшчэ адно пытанне: адкажыце, паклаўшы
руку на сэрца, як часта вы чуеце песнi на беларускай мове па радыё (не
ўлiчваючы правадную сетку), слухаеце фонам у кавярнях цi рэстаранах, бачыце
клiпы на гэтыя песнi на кожным з айчынных тэлеканалаў?
Чытаць далей…
Адметнай рысай беларускага музычнага руху, бадай, так і
застаецца стыхійнасць: то густа, то пуста. Дык вось калі 19 чэрвеня я з
радасьцю апынуўся сярод гасьцей навуковай канфэрэнцыі да 1000-годзьдзя тапоніма
Літва, што праходзіла ў Акадэміі Навук Беларусі, дзе я прадстаўляў шаноўнай
грамадзе акурат музычную плынь літуанікі: важкую дыскаґрафію ансамбля аўтэнтычнага фальклёру «Ліцьвіны», цікавыя
напрацоўкі маскульта ў сфэры страчанай тапанімікі ад «Kriwi», «Guda», цыкль
акустычных альбомаў «Piosenki
samotnego lićwina» вядомага рок-гурта «P.L.A.N.», дык
апынулася, што акурат прамінуў жывы канцэрт гурта «P.L.A.N.» на радзіме Быкава
ў той самы дзень. І можна было б шкадаваць, хоць абодва мерапрыемствы прайшлі з
надзвычайным посьпехам, якім мы й дзяліліся наступным ранкам з Андрэем па
тэлефоне, але якраз у тую нашу размову ўклініўся нехта трэці, які запрасіў
Андрэя Плясанава выступіць з 14.00 да 15.00 гадзін у перапоўненай залі Палаца
Культуры МТЗ.
Чытаць далей…
Паважаныя
наведвальнікі!
Сайт www.belmusic.org паціху пачынае ажываць і
напаўняцца: не так даўно з’явілася рубрыка “Рэцэнзіі”, на якой можна знайсці
рэцэнзіі знакамітага музычнага крытыка Вітаўта Мартыненка як на самыя новыя,
так і на даўнейшыя СD беларускіх выканаўцаў,
уключаючы рэцэнзіі на нешматлікія DVD-дыскі.
Акрамя таго, з гэтага
тыдня на сайце кожны тыдзень будзе прэзентацыя 1 новай песні з дыскаў гуртоў,
якія БМА рыхтуе да выдання. У Вас будзе мажлівасць першымі пачуць і
спампаваць трэкі. Першым гуртом, адкрываючым Раздзел “Новыя МР-3”стаў гурт ZATOCZKA
з песняй «Шэрыя»! На наступным тыдні чакайце новы гурт і новую песню.
Не сядзіце “ў
старонцы”, далучайцеся да дзейнасці сайта і давайце разам напаўняць яго
жыццём!!!
З прапановамі, пажаданнямі далучыцца, ідэямі па зместу і напаўненню сайта лістуйце на music.bma@gmail.com !
БМА – Слухай сваё!
Чытаць далей…
16 чэрвеня зноў пацьвердзілася прапісная ісьціна,
што ні на чым ня трэба ставіць крыж. Вось
і я пару гадоў таму завязаў зь немаведама якой прычыны з клюбам «Graffiti», доўга ня быў там, а тут сябры ўгаварылі, і пасыпалася
процьма адкрыцьцяў. Па-першае, замест занадта прасторнай грымёркі там цяпер
даволі прыстойная сцэна. І хоць піва падаражэла разоў у пяць, але сапраўднае «HardRockCafe» наяве!
Чытаць далей…
ZATOCZKA скончыла працу над
дзебютным альбомам, якi выдае вядомы лэйбл BMA. Ужо напрыканцы чэрвеня альбом паступiць у продаж, а 27.06
адбудзецца яго прэзентацыя вялікім канцэртам у Маскве.
Альбом падкупляе сваёй індывідуальнасьцю. Яркі
кактэйль з панка і ска, часам пераходзячы ў трэцюю хвалю або нават у
swing-core, вылучае каманду з мноства іншых ска-панк калектываў.
Гуртом ZATOCZKA сайт www.belmusic.org пачынае штотыдня прадстаўляць новыя песні беларускіх гуртоў.
Шукайце у раздзеле "Музыка", ці на галоўнай старонцы банер "Новыя МР-3"
Чытаць далей…
7 чэрвеня ў межах
еўрапейскага тура Менск наведае легендарны гурт з Грэцыі SEPTIC FLESH.
Сэптык Флэш (Septic Flesh) — калектыў з Грэцыі, які выконвае музыку ў стылі Symphonic Death Metal, Melodic Death Metal, Death Doom Metal з жаночымі вакальнымі партыямі. Свой апошні
альбом “Communion” гурт
запісаў разам з Пражскім філарманічным аркестрам з 80 музыкаў і хорам з 32
чалавек.З новым альбомам гурт гастралюе па ўсім сьвеце.Septic
Flesh давалі канцэрты разам з Gorgoroth,
Moonspell, Vader, Therion, Satyricon і Cradle Of Filth. Гэта другі
канцэрт, які ладзіць агенства БМАgroup, зорак такога
ўзроўню.Некалькі месяцаў
таму Менск наведвала амерыканская зорка альтэрнатыўнай сцэны ILL NINO.
Чытаць далей…
